隨心 2007年02月24日
呢排成日聽到個term，叫「超低能」、「勁攪笑」，呢兩個term早就成為今時今日MK ge潮語，總會響班MK之間o既每兩三句對話中夾雜一兩次，又真係播，有好幾次坐係架巴士度，坐我前面有兩條MK女真係一味響度「好低能囉」「超攪笑」 「勁攪笑丫」「佢竟然攪埋d 低能到爛o既爛gag囉，超攪笑丫，攪笑到爆！」真係有D感嘆而家D小朋友詞彙可以貧乏成咁，成程車都真係好鬼辛苦。
回 歸正題，呢排睇到人地個blog，有講到話呀林海峰個「痞低噴飯」個棟篤笑show好正，尤其係o個part「超低能‧勁攪笑」幾乎係全晚高潮。聽到呢個 term，突然觸動到我個敏感神經，覺得林海峰應該又會諷刺下時下MK文化，滿心歡喜咁去youtube巢片，又真係巢到。不過原來期望太大，真係唔係咁 好。
實在太失望~~~~~~~~~~
《超低能‧勁攪笑》
t”>我真係唔明o的觀眾可以笑到趴晒響度，我聽唔到佢諷刺緊o的乜，係咪我有問題呢？個show根本就係比機會林狗製造sound bite，up完一大論，反而得到班MK o既會心認同，將佢地成日講開o既爛口頭禪引以自傲，唔怪得一個二個MK都封晒林狗做偶像啦！
不過，我覺得林狗抄野…..我好耐之前響youtube睇過o既黃子華個十年棟篤笑拾下拾下talk show，有一part我都而家都難以忘懷，笑爆咀之餘又真係令我叮左一聲……
《搵食o者‧犯法牙》
t”>形式幾乎一樣，不過講好笑程度就真係蚊同牛脾，前者仲要抄人！唉！林狗你太令我失望喇！
========================
youtube實在太易令人上癮，攪到我一口氣睇晒黃子華d棟篤笑短片，仲搵到唔少「寶藏」！
《不灰鞋》
t”>《無炭用──失業篇》
(0)
